View my ranking

My Sponsors

 

 

 

 

Verse of the month

Therefore, since we have been justified through faith, we have peace with God through our Lord Jesus Christ through whom we have gained access by faith into this grace in which we now stand. And we boast in the hope of the glory of God. Not only so, but we also glory in our sufferings, because we know that suffering produces perseverance;perseverance, character; and character, hope. And hope does not put us to shame, because God’s love has been poured out into our hearts through the Holy Spirit, who has been given to us.
 
Romans 5: 1-5 NIV
 
 

Connect with Jbe on:

Visitors Counter

Today67
Yesterday64
This week131
This month1144
Total126035

‘Mooi gholf’ boaan Jbé Kruger se lys

Deur Marizanne Kok Dinsdag 06 Januarie 2015 3:20 vm.

’n Filosofiese Jbé Kruger het gister sy mikpunte vir 2015 uitgestippel. Foto: Getty Images

Ná top10-uitslae in vyf van sy laaste ses toernooie sou jy verwag dat Jbé Kruger vandeesweek se Suid-Afrikaanse Ope sou binnegaan met die gedagte: “Nóú moet ek ’n slag wen!”

Dís egter nie die geval nie.

Nee, het die 28-jarige Johannesburger  gesê, hy dink hoegenaamd nie daaraan om Sondag die gesogste trofee in SA gholf bo sy kop te lig nie.

Soos elke ander plaaslike speler droom hy daarvan om sy nasionale kampioenskap te wen, maar sy benadering vandeesweek fokus eerder op prosesse as die eindresultaat.

“Natuurlik gaan ’n ou nie ’n toernooi binne en sê ek stel nie daarin belang om te wen nie, maar my doelwit vir dié week is veel eenvoudiger as dit: Ek wil bloot mooi gholf speel,” het Kruger Maandag gesê by die Glendower-gholfbaan in Bedfordview, waar die SA Ope Donderdag begin.

“Dit help niks om te ver vooruit te dink nie, want so laat jy die deur oop vir teleurstelling.”

Kruger het in November 2013 op dié einste baan tweede geëindig in die SA Ope, nadat hy op die Donderdag én Sondag rondtes van 65 aangeteken het.

Die 12 maande daarna het nie vreeslik baie hoogtepunte opgelewer nie, maar teen die einde van 2014 het hy begin spoed optel en in al ses sy laaste toernooie in die top-20 geëindig.

Hy het homself ook bederf met ’n vroeë Kersgeskenk, toe hy in die derde week van Desember ’n kolhou in Doebai aangeteken het.

“Ek dink my benadering om dinge een hou op ’n slag te vat, is waarskynlik die sleutel tot die laaste weke se sukses. Daarby het ek harde werk ingesit om my gholfswaai en myself beter te verstaan, en nou pluk ek die vrugte daarvan,” sê hy.

“Ons as gholfspelers is perfeksioniste en is altyd hard op onsself, maar in die proses kan jy verlore raak, so ons moet waak daarteen.

“Ek dink as jy jou eie beste vriend kan bly wanneer jy gefrustreerd is met wat jy op die gholfbaan verkeerd doen, is die stryd halfpad gewonne.”

Kruger sê hy het vir homself mikpunte vir 2015 gestel, maar gaan dit bloot in sy agterkop hou.

“Top-60 in die Europese Reeks se geldlys, top-10 in Asië en so goed ek moontlik kan vaar in die Sonskynreeks,” rits hy sy lysie af.

“Maar dis net persoonlike doelwitte en ek sal aan die einde van die jaar kyk of alles uitgewerk het soos ek hoop.”

http://www.netwerk24.com/sport/2015-01-06-mooi-gholf-boaan-jb-kruger-se-lys

Copyright © 2016. All Rights Reserved.